Пронајдениот во Финска метод за лекување на алкохолизмот под називот Contral веќе тргнува по светот, а први чекори веќе се прават во САД. Досега под лекување на алкохолизмот се подрзбира целосно одбивање од алкохолни пијалоци. Финската методологија сепак е во друга насока:
претворање на проблематичната употреба на алкохол во умерена, а не целосно одбивање. Ако соберете 10 алкохоличари на едно место и ги прашате колку од нив сакаат целосно да се откажат од алкохолот, само 3-4 луѓе ќе “кренат рака”. Останатите би сакале да имаат можност од време на време да си пивнат. Токму кон оваа целна група е насочена методологијата наречена Contral. Тоа е метод, кој комбинира во себе употреба на препаратот Налмефен (Селинкро) и когнитивна бихејвиорална терапија. Како медицинскиот препарат, така и методологијата се развиени во Финска.
Невообичаено во оваа методологија е во тоа што пациентот сам ја избира целта на третманот, а таа може да е умерена употреба на алкохол. Во Финска, со помош на оваа методологија се лекувале веќе илјадници пациенти од Хелсинки, Турку, Тампере и Оулу. Многу од нив успеа да ги стават под контрола своите алкохолни навики, но сеуште е рано сигурно да се зборува за долгорочни резултати.
Во САД, како и во останатиот свет, најпопуларна е т.н.. методологија “12-те чекори”, кој особено ја користат “Анонимните алкохоличари”. Според генералниот директор на “Контра клиника” Јуки КЕСК-Пукила во Америка се водат дискусии на тема колку конечно е ефективна оваа методологија која бара целосно откажување од алкохолни пијалоци. КЕСК-Пукила смета дека тоа е добра можност за Финците да излезат на овој пазар. Во Америка големо значење има исто така износот за лекување, а финската методологија таму се смета за евтина.