За елката што вчера беше поставена пред центарот Рокфелер во Њујорк не престанува да се зборува. Прво, работниците кои ја поставија новогодишната елка, открија минијатурен був скриен во нејзината крошна, кој патувал во Њујорк со елката три дена, поминувајќи 270 километри.
Малата птица беше откриена во понеделникот и го доби името Рокфелер. Рокфелер беше дехидриран и гладен, но без повреди, изјави управителот на центарот за диви животни „Равенсбард“, Елен Калиш.
They found a small owl inside of this year’s Rockefeller Christmas tree, he hitched a ride all the way to NYC and is now being treated and cared for at a wildlife rehab facility. pic.twitter.com/f4PkBm6MGo
— Allison Esposito Medina (@techladyallison) November 18, 2020
Птицата е однесена во тоа засолниште по ветеринарен преглед. На птицата ѝ беше понудена храна и центарот планира да ја ослободи викендов, кога ќе се опорави.
Сепак, освен бувот, и изгледот на дрвото го привлече вниманието на луѓето на социјалните мрежи. Имено, социјалните мрежи не ја дочекаа елката со ентузијазам поради лошата крошна, а некои заклучија дека нејзиниот тажен изглед соодветно го означува крајот на годината, што треба да се заборави што е можно побрзо.
JAKI ROK TAKA CHOINKA 2020 🙄🙄🙄🙄 #REALTALK LOOKS LIKE THE #ROCKEFELLERTREE IS SICK 😷 DID IT GET TESTED…. pic.twitter.com/f5D0LfcH1r
— HIT FIRST (@Hitfirst) November 19, 2020
„Дали ова дрво има Ковид?“, „Типична 2020 година“, се дел од коментарите.