Актуелно
Почетна / TOP NEWS / Нова хорор снимка од протестите во Србија: Полицаец шутира во глава аутистично момче (ВИДЕО)

Нова хорор снимка од протестите во Србија: Полицаец шутира во глава аутистично момче (ВИДЕО)

Здружението „Аутизам промена за 180“, му напиша писмо на директорот на српската полиција, Владимир Ребиќ, во врска со нападот врз младиот човек кој возел велосипед низ центарот на Нови Сад во четврток, 8 јули, каде што траел протест и конфликт со полицијата.

Според писмото, припадниците на полицијата нападнале лице кое минувало со велосипед, а еден член на службата потоа „го шутирал додека лежеше беспомошно на земја“, пренесува 021.rs.

„За жал, ова е млада личност со аутизам. Претпоставуваме дека веќе ги знаете деталите и фактите за овој настан. Ако случајно не ги знаете, ние ќе бидеме среќни да ви ги обезбедиме информациите што ги имаме: снимки од настанот, името на повреденото момче, делот на Нови Сад каде што живее, името на училиштето во кое присуствува, името и презимето на инспекторот „Нови Сад МУП“ за кого се сомнева дека применил прекумерна сила“, се наведува во писмото на претседателот на здружението, адвокатот Дарио Роси.

Тој изрази надеж дека Министерството за внатрешни работи ќе ги утврди сите факти за овој настан што е можно поскоро, како во случајот со напади врз новинари, и дека ќе го казни сторителот и ќе ја извести јавноста за тоа.

„Во спротивно, ќе бидеме присилени да поднесеме кривична пријава против сторителот, како и да се обратиме до меѓународни организации кои се занимаваат со заштита на правата, а особено на правата на лицата со посебни потреби“, се заклучува во писмото.

Видео од Нови Сад, на кое се гледа како полицајците соборуваат еден млад човек од неговиот велосипед, а потоа друг, кој бил во цивилна облека, го шутирал во главата, стана вирален на социјалните мрежи. Ударот во главата не бил доволен, па полицаецот го фрлил велосипедот на младиот човек. Корисниците на Твитер и Фејсбук исто така именуваа полицаец кој употребил прекумерна сила, споделувајќи ги неговите фотографии и повикувајќи ја полицијата и надлежните на одговорност.

loading...