Руски проектили утринава погодија два индустриски капацитета во централниот украински град Криви Рог, објави градоначалникот Олександр Вилкул, а напад со дронови е забележан и во Одеса.
Украинските воени претставници објавија дека Русија во текот на ноќта лансирала четири крстосувачки ракети, од кои едната била уништена од воздушната одбрана. Останатите погодија индустриски капацитети во регионот Дњепропетровск, каде што се наоѓа градот Криви Рог, родниот град на украинскиот претседател Владимир Зеленски.
That night, #Russian invaders again attacked #KryvyiRih with rockets. A 38-year-old man was injured. pic.twitter.com/XA4ZTERu7N
— NEXTA (@nexta_tv) June 15, 2023
Според градоначалникот на Криви Рог, три ракети погодиле два индустриски комплекса „кои немаат никаква врска со војската“, при што е повреден 38-годишен маж. Исто така, еден автомобил е оштетен од делови од ракета соборена од противвоздушната одбрана.
„Штетата е значителна. Благодарност до вработените кои отидоа во засолништето по објавувањето на тревога за воздушен напад, поради што останаа неповредени… Целата важна инфраструктура, јавниот транспорт, социјалните и медицинските установи во градот работат стабилно“, напиша Вилкул на Телеграм.
Загалом за ніч ворог випустив по Україні 20 дронів-камікадзе та 4 крилаті ракети.
🇺🇦 ППО знищила 1 ракету та всі "шахеди", повідомляє Командування Повітряних Сил. pic.twitter.com/RV11i4n9Zz
— Повернись живим (@BackAndAlive) June 15, 2023
Гувернерот на Днепропетровската област Сергеј Лисак објави дека спасувачите ги изгаснале пожарите во комплексите кои биле цел. Според него, во нападот биле оштетени гасоводи.