Самоизолација. Остани дома. Социјално растојание. Термини кои станаа составен дел од животот за време на пандемијата од коронавирус. И на сето тоа треба да се остане позитивен.
Светските експерти ги даваат овие совети како да се надминат вознемиреноста и стравот и да се зачува менталното здравје.
1. Одржувајте контакти
Физичкото растојание не значи социјална дистанца. Па, 21 век е, сè е достапно за нас – од групни разговори, до разни платформи за видео повик, сите без страв од коронвирус. И, можете да пиете кафе „заедно“ со ваша драга личност преку Skype, Viber и други апликации. Погледнете во директориумот за оние за кои не сте ги чуле некое време, а изговорот секогаш беше „немам време“.
2. Рутина
Без разлика дали работите од дома или не, креирајте ја вашата дневна рутина. Започнете го денот со вежбање (јога, истегнување, стомачни…), пијте кафе, подгответе појадок, исчистете еден дел од станот (оставете го другиот за друг ден), подгответе ручек, прошетка до полицискиот час, прочитајте книга …
3. Ограничете ги лошите вести
Секако дека треба да се информирате, но премногу информации од сите страни можат сериозно да наштетат на вашиот ментален склоп.
– Вашите симптоми можат да бидат влошени со порој на честопати алармантни извештаи и информации за поголем број потврдени инфекции и смртни случаи. Наместо постојано да ги следите вестите, направете го тоа еднаш дневно – советува д-р Ирис Хаух, германски психијатар.
4. Физичка активност и дома
Во здраво тело – здрав дух. Вие добро ја познавате оваа стара поговорка. Затоа, вратете го добриот дух со тоа што ќе внимавате на вашето тело и не ви треба многу: вашата омилена музика и добра волја. Правете основни вежби (стомачни, склекови, сквотови, …) ако имате некои реквизити како тегови уште подобри и можете едноставно да танцувате. Со прошетките пред полицискиот час ќе ви се расчисти умот и ќе одржувате силен имунитет.
5. Уживајте
Одвојте време да се задоволите на различни начини. Наполните топла бања со ароматично масло, пуштете убава музика, ставете го омилениот пијалок и опуштете се… Направете маска за лице или почастете се од некоја парфимерија. Научете нова вештина.
6. Бидете свесни за ситуацијата
Изолацијата влијае на сите. Секако е најтешко за нашите постари граѓани кои имаат тотална забрана за движење како најризична група и затоа можат да се чувствуваат депресивни, исплашени … Доколку сметате дека станало премногу тешко за вас или за некој што го познавате, не двоумете се да побарате стручна помош.