Дијана Андреас Ривера е 33 – годишна балерина од Мадрид , која на лондонскиот аеродром Хитроу физички ги нападнала полицајците , зашто сакале да и забрабнат да се качи на авион , поради видно алкохолизираната состојба.
Бидејќи во петокот го загубила сместувањето во Лондон , решила да се врати дома , во Шпанија. Според британските медиуми , балерината на аеродромот дошла толку пијана , што не била во состојба да си го најде пасошот , па полицајците и забранија да се качи во авионот. Тоа на балерината воопшто не и се допаднало, така што нападнала тројца полицајци на терминалот.
„Кога полицајците се обидоа да ја одведат во полициската станица, таа го гризна едниот од нив за рака и почна да го удира и гребе“, изјави нејзиниот адвокат.
Друг полицаец се обидел да ја задржи, но таа станала уште поагресивна – го удрила во препоните толку силно, што тој бил свиткан во болка. Во обид да стави крај на инцидентот, интервенирал и трет полицаец, но тој не поминал ништо подобро од неговите колеги – балерината му ги зарила ноктите.
На крајот, меѓу нејзините лични предмети бил пронајден нож. „Ривера не нападна никого со нож; таа заборавила дека го имала со себе“, посочи нејзиниот адвокат.
Дајани сега се соочува со затворска казна за поседување ладно оружје и напад на тројца службени лица, а пресудата ќе биде донесена во вторник.