Победниците на годинашната Евровизија, групата Манескин, веќе распродадоа неколку концерти што ќе ги одржат во рамките на турнејата следната година. Ќе настапат во Рим во декември годинава, откако нема повеќе билети, како и за концертот во Милано неколку дена подоцна.
Нивната популарност расте од ден на ден, па следната година од 20 март до 23 април тие ќе ја забавуваат публиката во Болоња, Неапол, Фиренца, Торино, Верона… Исто така од 3 до 5 јуни следната година Манескин ќе настапи на музичкиот фестивал Rock im Park, каде што ќе пеат во друштво со Royal Republic, Луис Капалди, The Faim…
Дамиано Давид, фронтменот на овој италијански бенд, интригираше многумина во саботата навечер во директен пренос затоа што се наведна на масата, па многумина мислеа дека шмрка кокаин. Тој го демантираше тоа веднаш на победничката прес-конференција, но бидејќи шпекулациите не престанаа, тој доброволно отиде на тест за дрога.
Резултатот од тестот беше негативен, па организаторите на Евровизија веднаш ја објавија веста и рекоа дека сега нема простор за шпекулации бидејќи тие имаат сè „црно на бело“. Жал им е што таква приказна се најде во фокусот на настаните покрај изведбата на победниците и нивната песна.