Ема Мускат ја претставува Малта на овогодинешниот избор за песна на Евровизија, но пред еден месец ја сменила песната со која ќе настапи на ова натпреварување.
И покрај тоа што ги освоила гласовите и од жирито и од публиката за песната „Out of Sight“ за време на Националниот натпревар за песна на Евровизија во Малта 2022 година, неколку недели подоцна, Ема и малтешкиот јавен сервис објавија сосема нова песна наречена „I Am What I Am“ и го промениле оригиналниот план.
– Победив на националниот избор на Малта со Out of sight, но имаше многу измешани чувства за песната… Луѓе на кои им се допадна, луѓе на кои не им се допадна и добивме многу повратни информации со барање да ја смениме песната, објаснила Ема.
Пејачката е сигурна дека многумина не гласаат само за песната, туку за уметникот за кого мислат дека најдобро ќе ја претставува својата земја.
– Дефинитивно има повеќе од мојот звук на „Out of Sight“. Тоа е повеќе во рамките на она што би го напишала. Тоа е исто така автобиографска песна, но за Евровизија луѓето сакаат нешто попривлечно и се согласувам дека „Out of Sight“ не беше толку привлечна, навела Ема.