Поединци со претходни криминални досиеја не смеат да бидат ангажирани на тренерски позиции во руски спортски училишта за деца и млади, изјави денеска рускиот претседател Владимир Путин.
Говорејќи на седницата на Претседателскиот совет за физичка култура и развој на спортот, Путин рече дека наставниците што подучуваат млади исто така мора да имаат еднакви способности и одговорности.
„Би сакал да го свртам вашето внимание на фактот дека тренер во спортско училиште е како наставник по физичко образование (во редовно училиште)“, истакна рускиот претседател.
„Сите спортски институции за деца се образовни“, рече Путин, повторувајќи дека според рускиот закон, на луѓето со криминално досие им е забрането да работат во образовната сфера, јави ТАСС.
Тој посочи дека, сепак, овој закон важи само за сферата на образованието.
„Ние постојано изјавувавме дека ова прашање мора да се координира, но остана заглавено во меѓусекторските дискусии“, потенцира Путин.