Путин вели дека ќе се вакцинира „штом тоа ќе биде возможно“

Рускиот претседател Владимир Путин изјави денеска дека ќе биде вакциниран против коронавирусот штом ќе биде возможно за неговата возрасна група, оценувајќи дека вакцината Спутник V е „добра и безбедна“.

„Ги слушам препораките на нашите експерти и затоа, засега, како што препорачуваат експертите, не го сторив тоа, но апсолутно ќе го сторам тоа штом ќе биде возможно“, рече Путин (68) на годишната прес-конференција што се одржа на Интернет поради пандемијата.

Путин рече дека руската вакцина е „безбедна и ефикасна“ со ниво на заштита од 96 до 97 проценти и дека очекува дека Русија ќе има „милиони дози вакцини“ до крајот на следната година.