Барбадос планира да ја отстрани британската кралица од функцијата шеф на државата и да стане република до ноември 2021 година.
Во говорот на премиерката Миа Мотли беше цитирано предупредувањето на првиот премиер на островската држава од Карибите, Ерол Бароу, против „лутањето во колонијалните простории“.
„Дојде време целосно да го оставиме зад нас своето колонијално минато. Луѓето од Барбадос сакаат шеф на држава од Барбадос. Ова е крајната изјава за доверба во тоа кои сме и што сме способни да постигнеме”, изјави генералната гувернерка Сандра Мејсон.
Според неа, Барбадос треба да стане независна република следната година.
„Значи, Барбадос ќе го направи следниот логичен чекор кон целосен суверенитет и ќе стане република пред да ја прославиме 55-годишнината од независноста“, додаде таа.
Земјата се стекна со независност од Велика Британија во 1966 година, иако британската кралица сè уште е нејзин уставен монарх и шеф на државата.
Во 1998 година, комисијата за уставен преглед таму препорача републички статус, а во 2015 година, тогашниот премиер Фројндел Стјуарт рече дека „мора да преминеме од монархиски систем во републиканска форма на управување во многу блиска иднина“.
Повеќето карипски земји одржуваа формални врски со монархијата по независноста. Сепак, Барбадос би им се придружил на Тринидад и Тобаго, Доминикана и Гвајана доколку продолжи со својот план да стане република.
Јамајка исто така најави ваква транзиција, а премиерот Ендру Холнес рече дека тоа е приоритет за неговата влада.
Барбадос направи уште еден чекор кон независност од Велика Британија во 2003 година, кога, како последен апелационен суд, го замени Судскиот комитет на Лондон на Тајниот совет со Карипскиот суд на правдата, лоциран во Тринидад.
Во 2015 година тој објави дека сака да премине во републички статус во рок од една година.