После 2 години локална власт на ДПМНЕ во Неготино резултатот е буквално НУЛА. Ветените проекти во изборната програма на градоначалникот Горан Стојанов не се реализирани, Неготино стагнира а граѓаните плаќаат поскапи сметки за дури 100%, изјави денеска на прес-конференција, пратеничката на СДСМ, Лолита Ристова.
Според неа, ДПМНЕ и Стојанов во Неготино ги покачија давачките за данок на имот и ги поскапеа комуналните услуги.
-Го нема ниту проектот за нов плоштад, ниту нов градски пазар. Иако за овој проект има целосно изработена документација од минатата локална власт на СДСМ. Сеуште нема резервоар и потисен цевковод во Тревник иако средства се обезбедени од централната власт за оваа намена.
Ниту едно ветување не е реализирано. 700.000 евра обезбедени средства од Министерството за животна средина и просторно планирање, но дали граѓаните знаат за што овие средства ќе бидат искористени, рече пратеничката.