Владимир Кузњецов и Алексеј Столјаров, руско дуо познато по шегите со познатите личности, изјавија дека го измамиле Хенри Кисинџер да ги открие своите ставови за саботажата на гасоводот „Северен“ тек во септември минатата година. 100-годишниот државник, кој беше државен секретар на САД меѓу 1973 и 1977 година и поранешен советник за национална безбедност на САД, стана најновата личност која била измамена од парот, познат и како Вован и Лексус, објавија руските медиуми.
Дуото претходно беше на насловните страници за шегување со луѓе од висок профил како што се пејачот Елтон Џон, турскиот претседател Реџеп Тајип Ердоган и поранешниот американски претседател Џорџ В. Буш. Во нивната најнова измама тие пред Кисинџер се претставиле како украинскиот претседател Владимир Зеленски.
На видеото се гледа како Кисинџер го прашуваат кој според него стои зад саботажата на гасоводот „Северен тек“, со кој се транспортира гас меѓу Русија и Германија.
„Искрено мислев дека вие Украинците го направивте тоа“, вели Кисинџер. Еден од нив тогаш одговара: „Навистина? Мислевте дека сме ние?! Не, не, не…“, а Кисинџер потоа вели: „Но, јас не ве обвинив“, сугерирајќи дека тој не мислел дека забелешката служи како критика.
Видеото не е независно потврдено, а Newsweek побара коментар до Хенри Кисинџер и украинското министерство за надворешни работи.
Да потсетиме, по експлозијата на „Северен тек“, некои шпекулираа дека зад нападот стојат САД. Други го вперија прстот и кон Москва. Во март 2023 година, Украина негираше вмешаност.
Во извештајот на „Њујорк Тајмс“ се наведува дека американското разузнавање сугерира дека виновна е проукраинска група, која не е нужно поврзана со Зеленски.
Кисинџер и претходно ја коментираше војната во Украина, велејќи во мај дека НАТО треба да ја прифати Украина во алијансата, и покрај предупредувањата од рускиот лидер Владимир Путин, „за безбедноста на Европа“.