САД: Ќе ги забрзаме трговските преговори со Тајпеј

Новите американски трговски преговори со тајванските власти би можеле да одат побрзо од пошироките разговори со 12 индо-пацифички земји, со оглед на големиот интерес на Тајпеј и Вашингтон за продлабочување на економските врски, изјави заменик-трговската претставничка на САД, Сара Бјанки.

„Има паралели меѓу новоотпочнатите преговори за индо-пацифичката економска рамка и тајванските преговори“, рече Бјанки во интервју за Ројтерс, додавајќи дека последната иницијатива има за цел да ги зајакне врските со Тајпеј во одредени економски области.

„Ние сме желни да започнеме разговори со Тајван и да ја извршиме нашата преговарачка задача“, додаде таа.