Актуелно
Почетна / Актуелно / Сега се знае колку има вакцини против корона во 3. фаза од испитувањето: Овој број малку кој го очекуваше

Сега се знае колку има вакцини против корона во 3. фаза од испитувањето: Овој број малку кој го очекуваше

Конечните испитувања на вакцината за коронавирус, развиена од АстраЗенека и Универзитетот Оксфорд, се суспендирани откако волонтер во Велика Британија, наводно, добил трансверзален мијелитис.

Извршниот директор на AstraZeneca, Паскал Сорио, рече дека пред крајот на годината треба да се знае дали нивната експериментална вакцина ќе ги заштити луѓето од Ковид-19, доколку на британскиот производител на лекови му биде дозволено да продолжи со тестирање, објави Ројтерс.

Одлуката за продолжување на тестовите ќе биде донесена кога независната комисија за безбедност ќе ја извести компанијата дали тестовите може да се продолжат.

По веста за паузата на истражувањето, девет големи фармацевтски компании кои работат на вакцини, вклучувајќи ја и АстраЗенека, потпишаа историски меморандум со кој се ветува дека безбедноста ќе биде најголем приоритет во развојот на вакцините, објави Би-Би-Си.

Компаниите, вклучувајќи ги „Џонсон и Џонсон“, „БиоНТех“, „ГлаксоСмитКлајн Клајн“, „Фајзер“, „Мерк“, „Модерна“, „Санофи“ и „Новавакс“, ветија дека ќе се држат до научните принципи додека бараат вакцина.

Според Светската здравствена организација, во моментов има 26 потенцијални кандидати за вакцина во светот, кои се подложени на клинички тестови.

СЗО во моментов препознава шест кандидати за вакцина кои се во последната, трета фаза на развој, покрај АстраЗенека и Универзитетот во Оксфорд во Велика Британија, кој работи на векторска вакцина, тука се Синовак со една и Синофарм со двајца кандидати од Кина, кои работат на три различни варијанти на мртви вакцини.

БионТек од Германија, Фосун од Кина и Фајзер од САД работат заедно на генската вакцина.

Модерна и НИАИД од САД работат и на генска вакцина, објави Дојче веле.

На 11 август, Русија ја одобри првата вакцина против Ковид 19 за широко распространета употреба, која го доби името Спутник V, по пионерскиот успех на СССР во вселената во 1957 година.

Вакцината е производ на истражувачкиот центар Гамалеја во Москва.

Познато е дека е векторска вакцина заснована на аденовирус.

За разлика од векторските проекти во другите земји, оваа вакцина работи со два вектори, така што вакцината треба да се прима двапати.
Руската вакцина претходно беше тестирана на војници, што беше потврдено од руското Министерство за одбрана, сепак руските власти сè уште не објавија ништо за специфичниот начин на дејствување на вакцината, поради што веста за одобрување на вакцината наиде на скептицизам кај голем дел од меѓународната научна заедница.

Надлежните институции за вакцини и лекови во ЕУ и САД сметаат дека Русија не ја завршила третата фаза на тестирање на вакцината, туку дека само што започнала со одобрување и затоа ја одбиваат како готов производ.

Индиската вакцина Коваксин, изработена од Барат Биотек и ЗиКоВ-Д, на кои работи Зидус Кадила, влегоа во втората фаза на клинички испитувања кај луѓе.

Мртвата вакцина Коваксин е развиена од познатиот производител на вакцини, Барат Биотек, Хајдерабад, заедно со Индискиот совет за медицински истражувања (ICMR) и Националниот институт за вирусологија во Пуна.

ICMR е водечка организација за биомедицинско истражување во Индија, финансирана од индиската влада.

Деактивираните честички на вирусот САРС-КоВ-2 врз кој се темели вакцината, беа изолирани во Националниот институт за вирусологија, што значи дека сè што е поврзано со вакцината е произведено и направено во Индија.

loading...