„Ви благодарам на сите активисти и официјални политички претставници на огранокот за безрезервната поддршка што ми ја дадовте како Претседател на АА. Но, мојата политичка активност не завршува со оставката како претседател, бидејќи јас нема да се откажам од идеалот на кој ја изградивме нашата политичка партија, затоа ја користам оваа прилика да ги повикам сите членови и активисти на Алијанса за Албанците од Струга до Липково да застанат зад новиот извршител на должноста како нов претседател на АА којшто ќе се избира следната недела“, изјави Зиадин Села денеска откако се сретна со структурите на Алијанса за Албанците во Струга.
„Додека јас, ветувам дека силно ќе ја зголемам мојата политичка активност и со сите мои капацитети ќе се борам Алијанса за Албанците да се појави како прв политички субјект на политичката сцена во РСМ”, додаде Села.