Додека гордо со пријателките се движеше низ еден хотел, во долг фустан и вртоглаво високи потпетици, Селена Гомез се лизна и за малку ќе треснеше на земја, а тоа беше забележено на урнебесна видео снимка.
„ Го гледам ова по милионити пат. Ха,ха,ха“ – напиша Селена Гомез под видео снимката која ја објави и на својот Инстаграм профил и така потврди дека знае да се пошегува на своја сметка.
Младата актерка и пејачка за малку ќе паднеше на излезот од луксузниот њујоршки хотел, со ротирачка врата која за малку ќе ја турнеше, но Селена успеа да се задржи на нозе. За сè се виновни високите потптици на нејзините тренди чизми во кои ѝ се свитка ногата.
Иако веќе некое време не поминува низ среќен период од својот живот, борејќи се со здравствени и ментални проблеми, како и љубовни трауми кои ги опеа во последниот сингл, сепак изгледа дека Селена наоѓа среќа во малите нешта.
Урнебесната снимка ја насмеа нејзе, како и 159 милони следбеници на социјалните мрежи.