Нема потреба да се спомене дека модната куќа Chanel е еден од најпрепознатливите и сакани брендови во светот.
Го гледаме постојано наследството на Коко Шанел и непрестајната модернизација на култните модели во секоја сезона.
Интересно е меѓутоа што точно се случува зад сцената на една од највлијателните модни куќи. Дали зад гламурот се наоѓаат добро скриени тајни, за кои никој од нас никогаш не слушнал?
Сигурно.
Успехот на марката е дел од креативноста на својот творец, Коко Шанел, но нејзиниот ум е само дел од приказната.
Ви ги претставуваме најинтересните и помалку распространети факти за Chanel.
1. Парфем
Chanel No. 5 е најдобро продаваниот парфем на сите времиња. Откако мирисот е претставен за прв пат во 1921 година, тој брзо се претвора во симбол и е дефиниран како најпрепознатливиот меѓу парфемите. Според истражувањата, направени во 2014 година, тоа е најпродаван козметички производ од овој тип.
2. Лак
Chanel е првата модна куќа која составува листа на чекање за купување лак за нокти. Во 1994 година, шминкерот зад сцената на ревија на модната куќа во Париз бил притиснат од времето пред фотосесија кога сфаќа дека ноктите на моделите се без лак. Таа брзо ги лакирал со црна боја и потоа предложил бојата да биде копирана за вистински лак за нокти. Тоа ја инспирира бојата Rouge Noir кој се претворил во првиот распродаден лак, за кој има листа на чекање.
3. Женски костум
Коко Шанел често е сметана за “виновникот” за тоа дека жените ги облекоа панталоните и токму таа е првиот дизајнер кој наметнува носење костими и од нежната половина на човештвото. Нешто што претходно било само и единствено достапно во машката мода. Коко Шанел буквално создава револуција во индустријата која сигурно ги проширува границите на популарното.
4. Малиот црн фустан
Во 1926 година Vogue објави фотографија на црн фустан од последната колекција на Chanel и ја нарекуваат “Ford-от на Chanel”. Многу модни историчари го сметаат овој настан за датумот на раѓање на култниот денешен краток црн фустан.
5. Првиот бутик
Првиот отворен бутик на Chanel ни од далеку не бил од висока мода. Многу укажуваат дека историјата и архивите на модната куќа се засновани на ексклузивните линии, но фактите зборуваат сосема друго. Првиот бутик ги отвора своите врати во 1910 година и продавал главно капи. Првиот бутик со мантили не бил достапен до 1915 година.
6. Угледот
Коко Шанел ја создава својата репутација првично поради капите. Пред истоимената модна куќа да стане препознатлива од секој од целиот свет, дизајнерката го утврдува своето име во Париз поради исклучително високиот квалитет на капи кој го нуди. Моделите го заземаат Париз брзо и секоја жена со вкус од општеството била среќна да ги има.