Што се случува кога Toyota Prius ќе добие мотор со 800 коњски сили?

Toyota Prius е познат како автомобил кој треба да си ја заврши работата – да ве однесе до посакуваната дестинација. Но, тој може да биде подобрен на многу начини, а еден од нив е да му ставите мотор од Dodge Challenger Hellcat, кој има 800 коњски сили. Дури тогаш се случува магија.

Всушност, оригиналниот мотор на Dodge Challenger Hellcat има „само“ 707 коњски сили, но Ник Филипедес, сопственикот на American Racing Headers реши да го појача и да го вгради на Toyota Prius. Интересен експеримент кој донесе уште поинтересни резултати.