За време на постот Македонците најмногу јадат риба – свежа или конзервирана.
Нутриционистите постојано нагласуваат колку рибата е корисна за нашето здравје и дека би било добро да ја имаме на трпезата барем два пати неделно.
Сардините се преполни со важни хранливи материи, што ги прави врвен извор на храна, вели д-р Џош Акс.
Поради високата содржина на омега-3 масни киселини, протеини, витамин Б12 и селен, сардините се многу моќни чувари на здравјето. Доколку се консумираат редовно, можат да придонесат за подобрување на целиот организам, а д-р Џош ги објаснува сите придобивки од сардината.
Една порција сардина од околу 75 грама содржи приближно:
191 калории 22,7 грама протеин 10,5 грама масти 8,2 микрограми витамин Б12 48,5 микрограми селен 250 единици витамин Д 451 милиграми фосфор 351 милиграми калциум 4,8 милиграми 2 мг 20 мг 50 мл. бакар 1,9 милиграми витамин Е 0,2 милиграми витамин Б6 1,2 милиграми цинк.
Еве ги сите позитивни ефекти што ги има врз здравјето:
1. Богати се со омега 3 масни киселини
Сардините се еден од најдобрите природни извори на есенцијални омега-3 масни киселини во светот. Содржат и EPA и DHA, два вида есенцијални масни киселини кои телото ги користи за намалување на воспалението, што резултира со подобрување на здравјето, подобра функција на мозокот и помал ризик од хронични болести.
Истражувањата покажуваат дека јадењето храна како сардина која е богата со омега-3 масни киселини може да помогне во лекувањето на нарушувања на расположението како депресија и анксиозност.
Тие исто така имаат корисен ефект врз здравјето на срцето, а докажано е дека го намалуваат нивото на холестерол и триглицериди.
2. Го штити здравјето на коските
Поради високата количина на калциум, сардините можат да ви помогнат да го одржите здравјето на коските.
3. Го штити здравјето на тироидната жлезда
Селенот и јодот се во синергија и се основниот состав на сардината. Селенот е неопходен за добро функционирање на тироидната жлезда.
4. Го обезбедува телото со доволна количина на витамин Б12
Недостатокот на витамин Б12 може да предизвика симптоми како што се оштетување на нервите, нарушена ментална функција, тешкотии во снабдувањето на клетките со кислород и хроничен замор. Со редовно консумирање на сардини ќе го замените недостатокот на овој витамин кој е клучен за правилно функционирање на целото тело.
5. Го намалува апетитот
Многу хранлива храна која ќе ви обезбеди чувство на ситост и до неколку часа.
6. Го контролира нивото на шеќер во крвта
Сардините се полни со здрави масти и протеини, кои делуваат на забавување на апсорпцијата на шеќер во крвта. Комбинирањето на храна богата со протеини и масти, како што се сардините, со јаглехидрати може да го забави ослободувањето на гликоза (шеќер) во крвта, помагајќи при скокови на шеќерот.
Јадењето сардини е особено важно за луѓето кои имаат дијабетес, метаболички синдром или други состојби поврзани со отпорност на инсулин.
7. Го подобрува изгледот на кожата
Масните киселини од сардината играат голема улога за здравјето на кожата. Ги ублажуваат воспалителните процеси на кожата и и даваат здрав сјај.