Позицијата на Брисел за Украина останува провоена, со пакетот помош на Европската комисија за Киев од 20 милијарди евра за следните четири години, кој содржи „сè за војна, но ништо за тоа како да се постигне мир“, рече министерот за надворешни работи на Унгарија, Петер Сијарто.
Зборувајќи пред новинари по состанокот на Советот за надворешни работи на ЕУ во Луксембург, Сијарто изјави дека министрите за надворешни работи на земјите-членки на блокот разговарале за предлогот за безбедносни гаранции за Украина, кој го вклучува гореспоменатиот пакет за испорака на оружје, како и планот за испраќање мисија за воена обука во таа земја, објави МТИ.
„Предлогот се однесува и на развојот на европската одбранбена индустрија, а некои се залагаат за инвестиции во воената индустрија и во Украина“, рече Сијарто.