Во Опленац денеска  се венчаа принцот Џорџ Караѓорѓевиќ и Британката  Фелон Рајман.  По црковната венчавка  Белата палата организираше прием за повеќе од 300 гости од земјата и од странство.

На свадбата на принцот Џорџ, син на починатиот Томислав Караѓорѓевиќ и принцезата Линде, со Фелон Рајман присуствуваа  кралското семејство, преставници на Владата и на Собранието на Србија,на српскиот јавен живот, како и странски дипломати.
Домаќини на церемонијата  беа принцот Александар Караѓорѓевиќ и принцезата Катарина кои им посакаа на  младенците среќа во бракот.

“Ви благодариме што сте со нас  на овој посебен ден кога го славиме бракит меѓу  Фелон  и Џорџ. Тие сега си ветија дека ќе го поминат заедничкиот живот  во љубов, хармонија и взаемно почитување“,  изјави принцот Александар на церемонијата.

Градчето Опленац, познато и како Караѓорѓев град, има посебно значење за кралското семејство Караѓорѓавиќ бидејќи во него е роден основачот на семејството, водачот на Првото српско востание, Караѓорѓе Петровиќ.

Младиот пар веќе имаше една свадбена церемонија во Шкотска во јули минатата година.