По повеќето наводи дека ибупрофенот е штетен за заразените со коронавирус и дека ги влошува симптомите на болеста ковид-19, СЗО излезе со официјален став по оваа тема.
Во твит објавен на официјалниот профил на СЗО на Твитер тие наведуваат:
– СЗО не препорачува престанок на употреба на лекот.
– СЗО е во постојана комуникација со лекарите кои ги лечат заболените и освен познатите нуспојави кај одредена популација пациенти, досега не се забележани никакви негативни ефекти.
Q: Could #ibuprofen worsen disease for people with #COVID19?
A: Based on currently available information, WHO does not recommend against the use of of ibuprofen. pic.twitter.com/n39DFt2amF
— World Health Organization (WHO) (@WHO) March 18, 2020
Нивната изјава дојде по соопштението на Европската агенција за лекови, кои потврдија дека моментално нема индикации за влошување на симптоми на ковид-19 по употреба на ибупрофен. Нивното соопштение е достапно ТУКА, во кое велат и дека:
– При лечење на симптомите како што се температура и болки поради ковид-19, лекарите и здравствените работници треба да ги разгледаат сите расположливи опции, вклучително и парацетамол и нестероидни антиинфламаторни лекови.
– Во склад со насоките на ЕУ, конкретниот лек (ибупрофен) може да се користи според упатствата за дозирање и клиничката слика на пациентот.
– Во овој момент нема причина пациентите кои треба да го земаат овој лек да го прекинат, особено оние кои го користат како дел од терапијата за хронични заболувања.