Иран денеска ги отфрли американските наводи дека ирански војници биле распоредени на Крим за да и помогнат на Русија да изврши напади со беспилотни летала врз Украина.
„Силно ги осудуваме тие обвинувања, кои имаат за цел да го оттргнат вниманието на јавното мислење од деструктивната улога (на САД) во војната во Украина со масовниот извоз на оружје и опрема во Киев, изјави портпаролот на иранското Министерство за За надворешни работи, Насер Канани, на прес-конференција во Техеран.
Во последните денови, Техеран го обвини Западот дека ја снабдува Русија со беспилотни летала камикази, а Белата куќа во четвртокот објави дека иранските војници се на Крим, полуостров кој го анектираше Москва во 2014 година, за да им помогнат на Русите да управуваат со беспилотни летала што ја таргетираат енергетската инфраструктура на Украински градови.
„Техеран сега е директно ангажиран на теренот на Крим и и помага на Русија во операциите“, изјави Џон Кирби, портпарол на Советот за национална безбедност на американското претседателство.
Техеран негираше дека ѝ доставил на Москва оружје користено во нејзината војна против Украина, а Русија го обвини Западот дека сака да изврши притисок врз Иран со обвинувањата.
„Исламската Република не е вклучена во војната во Украина. Ние не им доставуваме оружје на завојуваните страни во тој конфликт“, повтори Канани.
Во септември Киев одлучи значително да ги намали дипломатските односи со Техеран поради наводните испораки на оружје за Москва.