АктуелноПрепорачаниРазмислиРегионСтоп

Трамп ја загуби судската битка за враќање на забраната против 7 држави

од Vladimir Zorba
115 прегледи

Претседателот на САД Доналд Трамп  го претрпе првиот пораз во обидот да биде вратена дејството на неговата заповед за привремен прекин на пристапот до земјата на граѓаните на 7 земји од Блискиот Исток и Африка.

Апелациониот суд во Сан Франциско ја потврди одлуката на федералниот судија од Сиетл, кој ја запре заповедта на територијата на САД. Одлуката на тројцата апелациони судии е едногласно, со што отпаѓа можноста тие да бидат обвинувани во политички пристрасност – двајца од нив се назначени од претседатели демократи, а еден е  со назначување на републиканец.Сепак Трамп изјави дека “судот е толку политизиран” и напиша луто на Твитер “:” Ќе се видиме на суд, безбедноста на нашата земја е во прашање! “. Но не е јасно на кој суд мисли претседателот.

Сега администрацијата има 14 дена во кои треба да побара од истиот апелационен суд да го разгледа случајот во поширок од сегашниот тричлен состав. Другата опција е да се обиде да си го  заштити своето толкување за надлежностите на претседателот на Врховниот суд на САД – последната судска инстанца во земјата.

Но поверојатно е Трамп да не брза да се стигнува до врховните судии, бидејќи се уште не е одобрен негов кандидат Нил Горсч. Тоа значи дека 9 члениот суд во моментов е поделен точно на два табора од 4 конзервативни и 4 либерални судии и Белата куќа ќе мора да победи  барем еден од либералните судии.

Аргументите на екипата на Трамп беа дека одлуката на судијата Џејмс Робарт од Сиетл запира целосно легални овластувања на претседателот и дека наредбата му  ги брани националната безбедност. Бидејќи судиите од Сан Франциско немале пристап до доверливи информации, со која располага претседателот, тие не можат  да пресудат како треба.

Два американски држави – Вашингтон и Минесота, кои ја претставуваа другата страна – тврдеа дека забраната е дискриминација против муслиманите, што е забрането со Уставот, како и дека со неа се нанесуваат штета на локалните универзитети, бидејќи се запира пристап на професорите и студентите од овие држави.

Судот не се произнесе по тоа дали наредбата на Доналд Трамп одговара на Уставот или законите, туку  само по прашањето за тоа дали таа треба да биде вратена. Во таа смисла судиите не изразуваат мислење за одлуката на судијата Робарт. Тие не земаат решение и за тоа дали наредбата дискриминира луѓе според религијата , бидејќи сакаат уште информации за ова прашање, но велат дека двете држави дале докази за “бројни изјави” од претседателот “за неговата намера да воведе” забрана за муслиманите ” .

Тројцата судии велат во одлуката на 29 страници, дека администрацијата на претседателот не успеала да обезбеди докази дека заштитата на националната безбедност бара итно враќање на дејството на наредбата издадена пред две недели. за да се победи, Министерството за правда треба да обезбеди докази дека практично секој државјанин на Сирија, Иран, Ирак, Јемен, Сомалија, Судан и Либија претставува терористичка закана за САД, ако му биде дозволено да ја премине границата.

А за тврдењата дека судиите немаат пристап до доволно доверливи информации, во одлуката се вели дека “судот редовно добива класифицирани информации”.