Најмалку 32 лица, меѓу кои повеќе од 20 деца, загинаа денеска во напад на градинка во североисточниот дел на Тајланд.
Пања Камраб, поранешен полицаец, е осомничен дека упаднал во градинката околу 12:30 часот по локално време и почнал да пука и да ги прободува децата и вработените.
Медиумите јавуваат дека тој упаднал во градинката недолго откако децата завршиле со ручекот, а некои од нив ги убил додека спиеле, односно лежел во собите и се подготвувале за попладневниот одмор.
Меѓу жртвите има и воспитувачка која била осми месец бремена.
По крвавиот настан, напаѓачот побегнал од местото, а потоа ја убил сопругата, трите деца и на крајот си го одзел животот.
Мотивот за бруталното злосторство не е познат.
Инаку, според тајландските медиуми, Камраб минатата година бил отпуштен од полицијата, откако било откриено дека користел наркотици.