Потврдено е дека Изборот за песна на Евровизија во 2023 година ќе се одржи во Велика Британија.
Организаторите одлучија дека настанот не може да се одржи во земјата чии претставници победија, Украина, поради тековната војна по руската инвазија.
Велика Британија беше втора на овогодинешниот натпревар, па Европската радиодифузна унија ги отвори преговорите со Би-Би-Си.
Се уште не е познато кој град ќе биде домаќин, но се размислува за градови како Глазгов и Манчестер. Во игра би можеле да бидат и Ливерпул, Њукасл, Бирмингем, Абердин, Лондон, Брајтон, Белфаст и Кардиф.
Британија има голем број места со соодветни арени, сместување и меѓународни транспортни врски.
Да потсетиме, на Евросонг во Торино убедлива победа извојува музичката група „Калуш оркестар“ од Украина со песната „Стефанија“.
Велика Британија ја претставуваше Сем Рајдер, кој беше многу популарен на социјалната мрежа „Тик Ток“ и го освои второто место во финалето.