Украински пратеник: Со сите сили ќе го поддржам членството на Косово во Советот на Европа

Иако не е член на Комитетот на министри на Советот на Европа, украинскиот пратеник Алексиј Олексиевич Гончаренко, кој е пратеник во Парламентарното собрание, изјави дека со сите сили ќе го поддржи членството на Косово во Советот на Европа.

„Денеска ќе биде првата одлука на Комитетот на министри и ќе видиме како ќе се одвива тоа“, навел тој, пренесе „Кљан Косова“.

Гончаренко истакна дека со сите сили ќе го поддржи случајот со Косово на сите можни начини.