Украинските сили со дронови ја нападнаа нуклеарната централа во Запорожје

Украински беспилотни летала денеска ја погодија нуклеарната централа Запорожје, соопшти прес-службата на управата на градот Енергодар во областа Запорожје во Украина.

Според градската управа, украинските војници користеле неколку беспилотни летала камикази, а биле извршени вкупно четири напади, пренесува „РИА Новости“.

Претставникот на воено-цивилната администрација Владимир Рогов на својот канал на Телеграм изјави дека според прелиминарните информации „дроновите биле опремени со боеви глави“.

Реакторскиот дел од нуклеарната централа не е оштетен.

Украинските сили и претходно извршија напади врз овој објект, а во последниот во понеделникот беа повредени 11 вработени, од кои четворица се во тешка состојба.