Детскaта телевизиска емисија “Улица Сезам” ќе вклучи нов херој во своите епизоди – црвенокосото девојче Џулија што сака да пее, помни многу зборови и е … аутист. 
Џулија ќе го направи своето деби во шоуто на 10 април по долги најави од страна на родителите и експерти. “Со години семејствата со деца аутисти нè молеа да дадеме публицитет на болеста”, изјави д-р Џенет Бетанкур, постар заменик претседател на Општествено влијание САД. Според статистиката 1 на секои 68 американски деца е дијагностицирано со аутизам, зголемување со 119% во споредба со 2000 година.
Стејси Гордон, кукловодката која ќе ја исполнува улогата на Џулија и сценаристката Кристин Фераро исто така имаат членови на семејствата, кои влегуваат во аутистичниот спектар и веруваат дека со помош на Џулија тие ќе ја отстранат стигмата на оваа болест и ќе им помогнат на другите деца повеќе лесно да ги прифатат и разберат различните од нив.
За целта освен улогата во ТВ-шоуто на црвенокосата кукла, ќе има дел од книги и образовни клипови на англиски и шпански, објавени на веб-страницата на “Улица Сезам”.
“Улица Сезам” е најстарата телевизиска програма за деца во САД, чиј почеток датира од 1969 година. Во историјата преносот влијае и на други важни за општеството и децата теми како разводите, инвалидност, раси. Тоа има добиено 9 награди “Греми”, 158 “Еми” и “Награда за животно дело”.
Учество земале и не една или две легендарни икони како Принс, Мајкл Џексон, Нина Симон, Џули Ендрјус, Андреа Бочели, Кофи Анан, Лора Буш и други.