Бред Пит денес е голема sвезда и жените ширум планетата лудуваат по него, но пред триесет години тој беше само на почетокот на својата кариера.
Улогата што го прослави е улогата на крадецот Џеј Ди во филмот „Телма и Луиз“. Пит денес вели дека е благодарен за можноста, но дека е засрамен кога ќе се види во тие сцени.
Од друга страна, друг славен актер очајно ја посакувал истата улога, а кога не ја добил, долго време бил лут поради тоа. Станува збор за Џорџ Клуни, кој во тоа време исто така не бил никаде близу ѕвездениот статус во кој ужива денес.
„Најдобро од сè, не сакав да го гледам филмот долго време. Тогаш глумев во многу лоши работи на телевизија. Неколку пати се појавив на аудиција за овој филм, на крајот изборот се намали на мене и Бред и тој ја доби улогата. Години после тоа, едноставно не можев да го гледам тој филм“, рече Клуни во една прилика, одговарајќи на прашања од обожавателите.
Тој додаде дека сè уште смета дека улогата отишла во вистински раце.
„Кога конечно го погледнав, знаев дека направија добар избор. Тој беше многу добар во таа улога, а јас сигурно некако ќе зезнев работа“, призна тој.
Самиот Бред Пит неодамна се присети на улогата што го лансираше во Холивуд.
„Јас сум многу благодарен на Ридли Скот и Џина Дејвис што ми дадоа шанса затоа што тие беа во повисока лига во тоа време. Немав што да покажам освен моите улоги како статист, и како и да е тие ми дадоа шанса. Да ви кажам право, мислам дека беа во очај. Снимањето веќе беше започнато дотогаш, а јас бев на сетот една недела подоцна“, изјави Бред за „Сан“.
Тој додаде дека сè уште му е непријатно да ги гледа тие сцени.
„Свесен сум колку е висок мојот глас, мојот задник сигурно бил „стегнат“ со оглед на тоа што беше мојот прв филм“, рече тој смеејќи се.