Вакцината за корона можеби ќе треба да се прима еднаш годишно

Извршниот директор на американската компанија „Џонсон и Џонсон“, Алекс Горски, изјави дека можеби ќе биде потребно луѓето да се вакцинираат против коронавирусот еднаш годишно во следните неколку години, како што се вакцините за сезонски грип.

Според него, како што се шири вирусот, така може да мутира, објави „CNBC“.

„Секој пат кога тој мутира, тоа е скоро како уште еден клик на бројчаникот, така да кажам, каде што можеме да видиме друга варијанта, друга мутација што може да влијае на неговата способност да се одбрани од антитела или да има поинаква реакција не само на терапијата, но и на вакцината“, додаде Горски.