Вирџил Ван Дaјк беше капитен на финалето на Лига купот и му го донесе трофејот на Ливерпул.
По жестоката битка на Вембли, избраниците на Јирген Клоп победија против Челsи со голот на Ван Дaјк во 119. минута со 1:0.
Холанѓанецот двапати погоди со глава, првиот gol беше поништен во 60. минута по интервенцијата на ВАР, но не и вториот, на две минути пред крајот на второто продолжение.
По натпреварот, пред доделувањето на пехарот, Ван Дaјк ги даде првите впечатоци по освојувањето на првиот трофеј сезонава.
„Тоа ми значи многу. Сите тие момци на теренот, голот во продолженијата. Неверојатно е сето ова, горд сум на тимот. Беше интензивен натпревар од двете страни, тие имаа свои шанси, ние имавме наши. Прв трофеј како капитен на Ливерпул, ова е за навивачите, нека уживаат“, вели Ван Дајк.
Тој додаде дека младите играчи дале голем придонес во ситуација кога има многу повредени.
„Горд сум на нив. Тие одиграа своја улога во она што го постигнавме денес, беа неверојатни“, додаде стоперот на „црвените“.
Јирген Клоп заминува на лето, ова е еден од подароците од играчите.
„Секогаш треба да се сеќавате на убавите моменти, ова е дефинитивно еден од нив. Никогаш нема да земеме се здраво за готово, денес видовте се. Можеше да биде поинаку и да загубиме, но ја завршивме работата, и покрај сите проблеми што ги имавме пред натпреварот. Горд сум што му се приклучив на овој клуб и особено на овие момци“, заклучи Ван Дајк.