92
Загрепски Вечерњи лист објави повикувајќи се на извори во Белград, дека хрватскиот шпион уапсен синоќа во Белград е идентификуван како Чедо Чоловиќ (57), офицер во пензија од Република Српска.
Весникот тврди дека уапсениот е обвинет дека со години во Загреб пренесувал податоци од Белград и поради него најмалку 9 Срби се обвинети за воени злосторства.
Тој бил уапсен додека бегал кон Хрватска, наведува медиумот.
Божа Спасиќ за апсењето на хрватскиот разузнавачи: Почна шпионската војна!
Според соопштение од српското Обвинителство, во петокот било лишено од слобода лице поради сомневање за кривично дело шпионажа. Лицето имало двојно државјанство, на Србија и на Хрватска.
Според Индекс.хр хрватскиот шпион работел за Воено безбедносната разузнавачка служба на Хрватска.