Вечерва, пред почетокот на операта „Набуко“, дел од присутните во публиката на Македонската опера и балет станаа и скандираа „Игор Дурловски, Игор Дурловски“.
Како што се гледа од видеото, остатокот од присутните во салата седеа и не се приклучија на скандирањето. По ова започнала операта и веќе немало попречувања.
Оперскиот пејач Дурловски е еден од 36-те приведени од страна на МВР, осомничени за тероризам, а моментално се наоѓа во притвор во Шутка. Тој е осомничен за учество во „крвавиот четврток“, односно насилниот упад во Собранието на 27 април во кој беа повредени пратеници и други присутни во законодавниот дом.
Дурловски беше еден од предводниците на иницијативата „За заедничка Македонија“ која ги предводеше протестите кои завршија со крвавиот упад.
https://www.facebook.com/nedelnikrepublika/videos/1627601653927120/