Традицијата беше почитувана и птиците не се разделија од животот.
За последен пат како претседател Барак Обама помилува мисирки за Денот на благодарноста. Традицијата беше почитувана и птиците Тот и Тејтр не се разделија од својот живот, пишуваат агенциите.
Кусата церемонија се одржа во Градината со розите во Белата куќа, а оваа година претседателот не беше придружуван од ќерките.
“Во изминатите 7 години востановив нова традиција – да ги засрамам ќерките со моите шеги за мисирки. Оваа година ним едноставно им стана досано од моите шеги. За среќа, до мене се двајца од моите советници. Моите ќерки Малија и Саша се благодарни што за последн пат оваа година го правам тоа како претседател, но она што тие не знаат, е дека отсега ние ќе продолжиме тоа да го правиме секоја година – без камери и фотоапарати “, изјави Обама, додавајќи дека не би се откажал од традицијата ” за студена мисирка”.
Обама се реши и да им даде почит кон “сите оние храбри мисирки, кои немале толку среќа и не биле помилувани”. Секунди по шегата се чу како дете плаче, а Обама веднаш одлучи да се оправда “Ајде де, не беше толку лоша оваа шега”.
Според традицијата на Денот на благодарноста, шефот на државата на САД помилува една мисирка. Таа беше 69-та по ред.