Патнички авион A330 на авиокомпанијата Air Berlin за малку ќе удреше во зградата на аеродромот во Дизелдорф. Снимката од кошмарниот инцидент е поставена на YouTube. На видеото се гледа како авионот лета на минимална височина над терминалот, а патеката за полетување и слетување останува зад него.
Според информација на Sputnik Deutschland опасниот маневар бил изведен од првиот пилот на Airbus A330, кој летал на маршрутата Мајами-Дизелдорф со 200 патници во авионот.
Се прецизира дека пилотот неодамна дознал дека ќе биде отпуштен поради банкротот на авиокомпанијата.
„Ние сакавме достојно и емотивно да се збогуваме со сите“, изјавил командантот, цитиран од ZDF. Пилотот истакнал дека повторното слетување бил одобрено од авиодиспечерите. Патниците и оние што чекале на аеродромот сепак биле шокирани и исплашени до смрт.
„Јас одеднаш се сетив за 11 септември и за катастрофата со A320 во Франција“, раскажува еден од патниците на авионот. Очевидец кој од аеродромот го набљудувал „прошталниот гест“, пак, вели: „Имав чувство дека летралото нема да успее со маневарот и ќе се забие во терминалот“.
Официјални претставници на авиопревозникот ја осудија одлуката на командантот на екипажот како спротивно на барањата за безбедност и ветиле дека ќе направат истрага.