Ирачката инфлуенсерка Ом Фахад, чие вистинско име е Гуфран Савади, била убиена пред нејзиниот дом во Багдад, Ирак. Напаѓачот пристигнал со мотор, преправајќи се како доставувач на храна, по што ја застрелал, пренесува британски „Гардијан“.
Таа се прославила на ТикТок каде што објавувала видеа на кои танцува на ирачка музика.
Iraqi social media star ‘Influencer’ Om Fahad was assassinated yesterday by Iranian militias of the Hashd Al Shaabi (PMF) today in Baghdad (Iraq)
She didn’t engage in politics or similar but was often attacked by these factions for her ‚liberal lifestyle‘ pic.twitter.com/BgfOBK7pMr
— Cyprian, Is Nyakundi (@C_NyaKundiH) April 27, 2024
Минатата година ирачката влада започна кампања за бришење на содржини од социјалните мрежи за кои верува дека ги нарушуваат нејзините традиции и морал. Беше формиран комитет на Министерството за внатрешни работи за пребарување на ТикТок, Јутјуб и други платформи за виде-клипови кои се сметаат за навредливи.
Во февруари 2023 година, Ом беше осудена на шест месеци затвор за споделување видео за кое судот оценил дека содржи непристоен говор што го нарушува моралот. Во меѓувреме, неколку други инфлуенсери беа уапсени поради истата причина.