Кинеската тенисерка Шуаи Пенг (35) во последните денови ја загрижи јавноста бидејќи и се губи секаква трага откако го обвини поранешниот кинески вицепремиер и член на Комунистичката партија, Џанг Гаоли за сексуална злоупотреба.
Бројни луѓе од светот на тенисот, но и надвор од него, изразија голема загриженост за безбедноста на тенисерката, како и сомнеж за автентичноста на нејзините неодамнешни пораки испратени по електронска пошта и објавени на Веибо.
Објавата во која Пенг напиша дека поранешниот кинески вицепремиер Џанг Гаоли ја принудил на секс, набрзо беше избришан од социјалните мрежи, а темата беше блокирана во дискусија на кинескиот интернет простор, кој е под строга цензура.
Кинеските државни медиуми и организаторите на турнирите објавија и видео снимки на кои Пенг е видена на вечера со пријателите, но ништо од тоа не докажува дека тенисерката не е под контрола на властите бидејќи сè уште не може директно да комуницира со неа.
I acquired two video clips, which show Peng Shuai was having dinner with her coach and friends in a restaurant. The video content clearly shows they are shot on Saturday Beijing time. pic.twitter.com/HxuwB5TfBk
— Hu Xijin 胡锡进 (@HuXijin_GT) November 20, 2021
Ху Ксијин, истакнат државен новинар и уредник на Глобал Тајмс, веќе објави на социјалните мрежи дека Пенг е безбедна и дека наскоро ќе се појави во јавноста.
На официјалната веб-страница на Меѓународниот олимписки комитет е наведено дека тенисерката во 30-минутниот разговор со претседателот Томас Бах објаснила дека е безбедна и се чувствува добро, дека живее во својот дом во Пекинг, но и дека би сакала нејзината приватност да се почитува во овој момент. Таа го „поминувала времето со пријателите и семејството“ и додаде дека „ќе продолжи да игра тенис“.
Today, IOC President Thomas Bach, the Chair of the IOC Athletes’ Commission, Emma Terho @ELaaksonen3, and IOC Member in China Li Lingwei held a video call with three-time Olympian Peng Shuai from China. cc/ @Athlete365 https://t.co/8at0ZMrozS
— IOC MEDIA (@iocmedia) November 21, 2021
Кинескиот новинар Ху Ксијин веќе е обвинет за политичка пропаганда, а ВТА се уште се сомнева во безбедноста на поранешната победничка на Ролан Гарос и Вимблдон.
– Мило ми е што ја гледам снимката на Пенг, но се уште е нејасно дали таа е слободна и може сама да одлучува, без изнуда или надворешни влијанија. Само видео не е доволна. Останувам загрижен за здравјето и безбедноста на Шуаи и дека нејзините наводи за сексуален напад се цензурирани и турнати под тепих. Јасно кажав што треба да се случи бидејќи нашиот однос со Кина е на крстопат“, рече извршниот директор на ВТА, Стив Сајмон, кој веќе и се закани на Кина дека ќе ги одземе организациите на сите турнири, вклучително и на ВТА финалето.