Запленети пиротехнички средства во Скопје, приведено едно лице

Денес (28.12.2022) на бул.„Гоце Делчев” во Скопје, полициски службеници од СВР Скопје –  Единица за недозволена трговија го привеле И.К. од с.Батинци, скопско. Тој бил затекнат како продава пиротехнички средства и кај него биле пронајдени вкупно 4811 парчиња различни видови пиротехнички средства. И.К. бил приведен во полициска станица, а пиротехничките средства биле одземени. По целосно документирање на случајот, против него ќе биде поднесена соодветна пријава.

Исто така, на ул„192″ на подрачје на Бит Пазар, полициски службеници од ЕВР Центар и Бит Пазар заплениле 1358 парчиња различни видови пиротехнички средства. Се преземаат мерки за расчистување на случајот.