Запознајте го QTrobot, роботот кој им помага на децата со аутизам

Малечкиот робот QTrobot, создаден како проект на одделот LuxAl при Универзитетот во Луксембург, има можност да креира интеракција меѓу терапевтот, детето и роботот.

Роботот поседува LCD лице и роботски раце, а им овозможува на аутистичните деца да се навикнат на контактот со луѓето, како и да им биде попријатно во терапевтското опкружување.

Ја намалува напнатоста кај аутистичните деца, а во проектот чии резултати наскоро ќе бидат објавени, се гледа реакцијата на децата во присуство на роботот. QTrobot лесно се програмира, може со часови да работи и поседува 3D камера.

Умее да гледа, слуша, зборува и најважно од сè, да комуницира невербално, со фацијални експресии на екранот и движења со телото.