Жените до таква степен ги мразат своител косите и се подготвени побрзо да се откажат од алкохолот отколку од четката или фигарото за коса, пишува “Дејли експрес”, повикувајќи се на резултатите од истражување направено во Велика Британија по нарачка на светски позната компанија за козметички производи.
Анкетата открива дека импресивние две третини (62 проценти) од дамите не си ги сакаат своите коси. Најчестите дефиниции кои жените ги користат за коса, се неуредна (39 проценти), безживотна (31 процент) и оштетена (29 проценти).
Кога сепак ги опишуваат косите на пријателките, претставничките на понежниот пол звучат сосема поинакво – 18 проценти ги определуваат како густи, а 12 проценти – како сјајни.
Запрашани која е причината поради што тие се незадоволни од своите коси, 45 проценти од жените ја истакнуваат споредбата со оние на јавните личности. Над 60 проценти од дамите ги обвинуваат “нереалните” претстави на женскиот лик во медиумите.
Студијата исто така, открива дека голем дел од претставничките на понежниот пол не можат “да живеат” без додатоците за коса. Една четвртина (26 проценти) не кријат дека побрзо би се лишиле од алкохол за една година, отколку да се разделат со четката или фигаротот за коса.
Близу една третина (29 проценти) од дамите би се откажале од утринското кафе за истиот период, а над десет проценти – од смартфонот, но не и од производите со кои се одржуваат косите во пристоен изглед.