Францускиот весник „Екип“ ги откри платите на најголемите ѕвезди во локалното првенство и од нив се гледа дека Нејмар е многу над останатите.
Напаѓачот на Париз Сен Жермен зема нешто повеќе од 3 милиони евра месечно. Вториот – Единсон Кавани, добива околу половина од ова – 1.54 милиони евра. Очигледно е дека меѓу нив не е се во ред, иако тврдат дека односите им се одлични. Огромната разлика во парите веројатно е водечка причина.
Во првите 13 има 12 играчи на ПСЖ, што е доказ за финансиската моќ на парижаните. Единствено Радамел Фалкао од шампионот Монако се вметнува во оваа група со своите 750.000 евра месечно, што му ја дава 9-тата позиција.
Освен Неј и Кавани уште четворица од ПСЖ се радуваат на месечни примања од најмалку 1 милион евра – Килијан Мбапе, Тиаго Силва, Анхел ди Марија и Маркињос.
L’Equipe reveal the top 30 earners in Ligue 1 ?????? pic.twitter.com/muW0ocQM2V
— 101 Great Goals (@101greatgoals) February 6, 2018
Во меѓувреме, Тома Ломар од Монако, проценет на 100 милиони евра, добива 30 пати помалку од Нејмар.
Тимот од „Парк де Пренс“ е убедлив лидер во Лига 1 со 11 поени пред вториот Олимписки Марсеј.