Хан денеска при презентирањето на извештаите за напредокот, комесаротпотврди дека Албанија добива препорака од Еврокомисијата за отворање на преговорите за членство во ЕУ.
Како главна причина за напредокот се наведени реформите во судството. Во извештајот стои дека главните уставни измени биле едногласно усвоени во јули 2016 година, со што почнале сеопфатен и инклузивен процес на реформи на судскиот систем.
“Овој процес ќе вклучува длабоко преиспитување на судии и на обвинители. Реформата на јавната администрација продолжува доследно, како и континуираната работа на создавање солидна база на податоци за истраги, обвиненија и за пресуди во борбата против корупцијата и организираниот криминал, кои се од фундаментално значење”- стои во извештајот.
Европската комисија и оваа година ја повтори условената препорака за членство на Македонија во Европската Унија.