Американскиот помошник државен секретар Хојт Ји ги демантираше шпекулациите дека ќе биде нов амбасадор во Македонија на местото на Џес Бејли. Тој во интервју за телевизијата N1 вели дека е задоволен од сегашната позиција во Стејт Департментот.

„Многу сум горд што сум заменик помошник државен секретар на САД и задоволен сум од својата работа. Драго ми е што можам да речам дека се уште ќе бидам тука“, вели во интервјуто Хојт Ји.

Тој додава дека американските интереси во регионот се насочени кон помагање на земјите од регионот да се приближат до нивните цели, а тоа се просперитетот, демократијата, стабилноста и иднината.