97
Владеењето на правото е темелен принцип на европските општества па затоа и одлуката за масовна аболиција за предмети кои се опфатени со сериозни истраги е нормално да предизвика жестоки реакцијата на меѓународните претставници, смета универзитетскиот професор, Денко Малески. Тој за АлсатМ вели дека , актот на претседателот Иванов е директен атак врз Специјалното обвинителство, орган кој беше формиран со посредништво на меѓународната заедница.
Според Малески, во демократските земји е логично против обвинувањата да се дејствува со независни истраги и вмешаните лица, доколку не чувствуваат вина, самите да инсистираат да се обелодени вистината.Комесарот за добрососедство и проширување, Јоханес Хан, коментирајќи ја одлуката на претседателот Иванов, вчера изјави дека Македонија има евроатланска перспектива само доколку го следи европското сфаќање кон светот и демократското владеење на правото.