85
Со традиционален музички хепенинг „Биди и ти дел од ѕвезденото небо на Тоше”, синоќа фановите на Тоше Проески во знак на сеќавање му подарија уште едно ѕвездено небо.
– Сигурни сме дека ангелот вечерва не гледа од небо и ужива со нас. Никогаш немојте да ја заборавите неговата музика, добрина и хуманост кои единствено Тоше умееше да ги шири и поттикнува – велат неговите обожаватели.
На задоволство на сите, покрај неговите познати хитови се слушаше и до сега необјавената песна на ромски јазик на Тоше Проески „Ефта пуране иконе“ (Седумте стари икони), како и долгоочекуваната верзија на песната „Малечка“ на англиски јазик.