Поранешниот британски премиер Борис Џонсон денеска го критикуваше договорот на актуелниот премиер Риши Сунак со Европската унија за Северна Ирска по Брегзит, велејќи дека Сунак му дозволил на блокот да задржи премногу влијание во Обединетото Кралство.
Ројтерс известува дека Сунак склучил нов договор претходно оваа недела за да ги олесни трговските ограничувања во Северна Ирска под британска управа, делумно поништувајќи го претходниот договор на Џонсон, кој воведе проверки и дополнителна документација за стоките што пристигнуваат од остатокот на Британија.
Џонсон, кој беше принуден да се повлече од премиерската функција минатата година по серијата скандали, рече дека „е виновен“ што не сфатил колку „тешки“ ќе бидат проверките и додаде дека ќе разбере доколку политичарите во Северна Ирска одлучат да поддржат нов договор во обид да се обнови собранието за поделба на власта во регионот.