Актерот Били Зејн на Инстаграм ги објави првите фотографии од филмот „Waltzing With Brando“ во кој ја игра холивудската легенда Марлон Брандо.
Дејството на филмот се одвива кон крајот на 60-тите и раните 70-ти кога Брандо го купил приватниот остров Тетиароа во јужниот дел на Пацификот, пишува Deadline.
Во тоа време, Брандо мораше да снима филмови за да ги финансира еколошките проекти што тој и архитектот Бернард Џаџ ги спроведуваа на островот.
„Кога го повикаа да снима гангстерски филм, тој учествуваше во финансирањето на она што тие се обидуваа да го направат на островот“, рече Зејн, мислејќи на „Кум“ на Френсис Форд Копола, во кој Брандо го играше мафијашкиот шеф Вито Корлеоне.
Зејн, познат по улогата на арогантен богаташ Кал Хокли во „Титаник“ на Џејмс Камерон, на својот Инстаграм ги објави првите фотографии од филмот „Waltzing With Brando“ на кои сличноста со познатиот актер е впечатлива.
Покрај „Кум“, филмот ќе се осврне и на периодот кога Брандо го снимаше „Последното танго во Париз“ на Бернардо Бертолучи.
„Waltzing With Brando“ е инспириран од истоимените мемоари на Бернард Џаџ, а е режиран од Бил Фишман.