Високиот претставник на ЕУ за надворешна политика и безбедност, Жозеп Борел, денеска повторно повика на „итна хуманитарна пауза“ во војната меѓу Израел и Хамас.
Во разговорот со јорданскиот крал Абдула Втори во Аман, се зборуваше за војната во Газа и „важноста да се стави крај на страдањата на цивилите“, напиша Борел на платформата Х.
Honoured to be received by His Majesty @KingAbdullahII
We discussed the war in Gaza & importance to end suffering of civilians. Vital to implement UNSCR 2712 on immediate humanitarian pauses
A political process towards two states needs to be restored. The King’s role is crucial pic.twitter.com/4HsSRCVBjE
— Josep Borrell Fontelles (@JosepBorrellF) November 20, 2023
Тој посочи дека треба да се обнови политичкиот процес што ќе доведе до формирање на две држави и додаде дека улогата на кралот Абдула Втори е „клучна“.
„Разговаравме за војната во Газа и важноста да се стави крај на страдањата на цивилите. Спроведувањето на резолуцијата 2712 на Советот за безбедност на ОН за вонредни хуманитарни паузи е од витално значење. Неопходно е да се обнови политичкиот процес кон двете држави. Улогата на кралот е клучна“, напиша Борел.